يا حمار!!

موضوع: يا حمار!! الخميس أكتوبر 11, 2007 11:31 pm

ياحمار يا مطعون بالسمعة وكل الذكاوي فيك مجتمعة

علمتنا عهندسة أصعب طريق تسهل النزلي تنّعم الطلعة

ومن قبل ما يطلع الصبح بتفيق تحمل عظهرك مونة الضيعة

ما بتعتدي ما بتفتري قلبك رقيق سلاحك الصبر وكلمتك الدمعة

يا صاحب الصيت اللي بقدركما يليق بحيثك لفعل الشر ما بتسعى

ما غشك الألماس ولا قرص العقيق بهيكي دني ما في الك طمعة

وبالرغم انك مخلص ونعم الرفيق وتمشي بهداوي وحكمتك روعة

تموز لما يعمل الدنيا حريق بلا مي كنا نتركك جمعة

ولما كانون يجن بالبرد العتيق تحت الشتي بنرميك بالصقعة

يا حمار يا صابر على الجرح العميق من نكزة المساس والمرعى

كمشة تبن وشعير ما بتبل ريق بتعلك القهر وتهضم اللوعة

والقال عنك جاهل ومنك دقيق اليوم عم يترحم ويبكي عليك

بيصحى ع قتلي وبنام ع جوعة

للشاعر اللبناني المعاصر غازي عيسى